Her kan du laste ned en pdf-versjon av planen (83 kb).

Visjon: "NORSK SAU OG GEIT - på lag med naturen"
Hovudmål:

NORSK SAU OG GEIT skal i samsvar med § 1 i lovene arbeide for:

• eit rasjonelt og lønsamt saue- og geitehald,
• samarbeid i produksjon og omsetnad,
• større bruk av norske småfeprodukt,
• å fremje småfehaldet i samsvar med god dyrevelferd, naturvilkår og marknadstilhøve.
• Alle ledd i organisasjonen har ansvar for at visjon og hovudmål vert nådd gjennom handling.

Dette skal vi gjere gjennom å prioritere:

1. Produksjonsvilkår
NSG skal arbeide for at naturen vert forvalta gjennom ein bærekraftig bruk der utmarka er den viktigaste produksjons- og kulturfaktoren.

Korleis:

• Trygge retten til bruk av beiteareala i utmarka.
• Arbeide for ein rovviltpolitikk som gir trygge tilhøve for menneske og husdyr.
• Utvikle den faglege delen av beitebruken.
• Arbeide for beitebruksplanar og beitebruken sin naturlege plass i arealplanlegging.
• Arbeide for å oppretthalde og vidareutvikle økonomisk stimulering av beitebruk i småfehaldet.
• Arbeide for god dyrevelferd og dyrehelse.
• Arbeide for utvikling av gjetarhundbruken og eit godt gjetarhundhald. 

2. Økonomi og marknad
NSG har som mål å skape ein økonomi for småfehaldet, minst på linje med andre produksjonar i landbruket.

Korleis:

• Fremje og auke verdiskapinga i småfenæringa.
• Småfenæringa skal ha betalt for den samfunnstenesta den gjer med å pleie kulturlandskapet og hindre attgroing.
• NSG skal arbeide for at produksjonen er så stor at import av lammekjøtt kan unngåast.
• Levere kvalitetssikra varer.
• Samarbeide med faglaga og ha offensiv kontakt med politiske og administrative miljø.
• Samarbeide med samvirke og andre som driv med mottak, foredling og omsetning, for å sikre best mogleg pris til bonden.
• Fremje produktutvikling. 

3. Faglege utfordringar
NSG har som mål å utvikle og kvalitetssikre produkta gjennom avlsarbeid og krav til eigne innsatsfaktorar.

Korleis:

• Utvikle og kvalitetssikre avlsarbeidet og auke bruken av semin.
• Utvikle avlsmetodar innanfor semin som styrkjer kvalitetsproduksjon og førebyggjer sjukdom.
• Vere pådrivar for utvikling og auka tilslutning til Saue- og Geitekontrollen.
• Vere pådrivar for auka tilslutning og innrapportering til Helsetenestene for sau og geit.
• Arbeide for auka oppslutnad om økologisk småfehald.
• Arbeide for kvalitet og kunnskap om klypping og ullhandsaming.
• Initiere og vere samarbeidspart i forskings- og utviklingsarbeid. 

4. Eigen organisasjon
NSG er ein fagleg medlemsorganisasjon som skal utvikle seg gjennom klare mål og møte utfordringar i forkant.

Korleis:

• Skaffe eksterne og interne ressursar til lagets arbeid.
• Utvikle eigen organisasjon og skulere tillitsvalde.
• Halde vedlike og utvikle sosiale og faglege tilhøve i produsentmiljøa.
• Yte god service til alle som tek kontakt med organisasjonen.
• Kontinuerlig medlemsverving.
• Formidle medlemsfordelar.
• Ta heile organisasjonen i bruk. 

5. Politikarkontakt og alliansebygging
NSG har som mål å informere politikarar og andre om verdien av eit sterkt småfehald.

Korleis:

• Klargjere samfunnsmessig nytte av eit sterkt småfehald.
• Prioritere alliansebygging.
• Vere synlege overfor politikarar og andre beslutningstakarar. 

6. Informasjon
NSG skal vere nyskapande og dagsaktuell i informasjons- og kommunikasjonsarbeidet.

Korleis:

• Prioritere alliansebygging og framstå positivt overfor samfunnet.
• Prioritere dagsaktuell oppdatering av tillitsapparatet.
• Bruke medlemsbladet og heimesida som kontaktskapande og informerande organ til medlemer og andre.
• Profilere organisasjonen og næringa på messer, i skular, i media osv.