Årsmøtehelg Hedmark og Oppland
Felles årsmøte- og seminarhelg vart gjennomført i helga 3.-5.mars på Spidsbergseter Resort Rondane. Etter tilbakemeldingane vart det faglege og organisasjonsmessige programmet godt motteke, det sosiale samværet vart som vanleg ei positiv hending for dei aller fleste, medan romplasseringane ikkje vart like godt motteke. Vi kjem tilbake til eventuelle betalinger og eller etterbetalingar da oppsettet frå hotellet kjem.
Miniatyrbilete i artikkelen viser Elin og Pål Grev med avlstatuetten for 2016 i Oppland, som dei fekk frå Ring 41 Oppland v/Hans Petter Vaberg.
Årsmøtet i Oppland Sau og Geit vart eit roleg møte valgmessig sett, da både Arnfinn Beito vart attvalgt til leiar, Ellen M. Syse vart attvalgt som nestleiar og Anne Kari Veikleenget og Bjørn Even Stenberg båe vart attvalgt som styremedlemmar. Dette etter at Anne Kari også da sjølvsagt vart attvalgt som styremedlem i Ring 41. I ring 41 hadde Kjell Ivar Bergehagen trekt seg som styreleiar og Hans Petter Vaberg vart valgt til ny leiar.
I årsmøtet i Ring 41 vart saka kring ny salgsmetode av verar i diskutert, da Hans Petter ville slutta med dette. I årsmøtet i Oppland Sau og Geit var det lang og konstruktiv debatt om investeringstøtte til driftbygningar og markedssituasjonen på lam- og sauekjøtt. Presentasjonen i årsmøtet i OSG ligg her.
Seminaret gjekk etter planen med unnatak av kjedenes fråvær i debatten kring markedssituasjonen kring salget av lammekjøtt.
Presentasjonane i seminaret ligg under her i rekkjefølge dei vart presentert:
Jerv i Hedmark og Oppland - framtidig forvaltning, v/Per Fossheim
Orientering frå Gudbrandsdal Uldvarefabrikk, v/Ragnvald Svarstad
Foredrag om ull, v/Sølvi Westvang, Norges Husflidlag
Informasjon om gjetarhundarbeid, v/Jo Agnar Hansen
Markedssituasjonen for lam- og sauekjøtt v/Erling Skurdal, Nortura og Jakob Simonhjell, Nortura Totalmarked
Presentasjon av ny app, Beitesnap v/Ivar Sylte
Kameraovervaking og info frå Grobakken Landmek, v/Knut Bergene
Elektronisk overvaking med Telespor, v/Egil Pettersen
Elektronisk overvaking med Findmysheep, v/Arnstein Solem og Fredrik Malvik Forbregd
Overføring av data mellom ulike system i LedSau, v/Per Lindholt
Sauekontrollen i forhold til ulike systemer, Animalia v/Mina Klaseie
Tekniske løysningar i fjøset, Fjøssystemer v/Knut Evensen
Lesetav og elektroniske merker, OSID v/Ole Michal Ryen
Andris Kongslien, Austvang Sau og Geit vart tildelt fylketslagets diplom for den store innsatsen han har gjort i lokallaget sitt, sjå bilde under. Hanne og Ivar Vesterås, Søndre Land Sau og Geit fekk gave for at dei har vore på 30 (!!) seminar på rad i Oppland Sau og Geit. Tor Romsås og Øyvind Myhrsveen fekk takk for deira engasjement i NM i bruk av gjetarhund 2015 og NM i saueklipping og ullhåndtering 2016.
