Tur i regi av Oppland Sau og Geit 2017
Styret i OSG har fått innspel til at vi burde teke ein tur att snart. Dette krev litt planlegging og det er vel i sommarstida at det høver best. Mange hugsar den vellykka turen til Royal Highland Show i Edinburgh, der sikkert mange kunne tenkja seg attende til noko liknande.
Styret i OSG hadde opp denne saka under sak 60/2016 på førre styremøte og vart einige om dette:
"Spørsmål om tur i regi av OSG neste sommar, Irland, Island etc. Styret i OSG tykte dette var ein god idè, og ville koma attende til dette på neste styremøte. Det vart vedteke å leggja ut dette på heimesida, der kvar og ein kunne koma med innspel til turmål."
Så da kjære medlemmer, da overlet vi til døkk om kva tid og kvar turen skal gå! Send attendemelding til sekretær Pål Kjorstad på pkjorstad@outlook.com, helst innan 15/10 2016. Einaste kravet som vert stilt er at turen må ha noko med sau og eller geit å gjera.
