Fjøsmøte hos Kristian Mardal
Gloppen Sau og Geit arrangerte fjøsmøte på Mardal i forkant av årsmøtet 15. februar.
Ola Johannes og Kristian Mardal har bygd opp ein stor og fin sauefjøs med plass til ca. 200 søyer. Dei har litt over 150 dyr no, både NKS og spælsau. (+ nokre ”smårasar” for moro skuld.) Både Kristian og faren har stor interesse for sauehaldet, og det var interessant og lærerikt å høyre om drifta hans. Vi var samla 28 tilhøyrar i fjøsen, så det er godt det er romsleg der.
Johannes Nedrebø frå Nortura var med på fjøsmøtet og kom med innspel der. Han hadde også ei fagøkt om tiltak for å redusere lammetap. Det var etter at vi hadde installert oss i Mardal skule der resten av årsmøtet vart avvikla.