Medlemstalet i organisasjonen vår går nedover, både på landsplan og i fylket. Dette påverkar økonomien og drifta i organisasjonen, spesielt på sentralt hald. Styret i NSG vil få vanskelege prioriteringar på bordet framover, dersom aktiviteten skal oppretthaldast utan at organisasjonen går med underskot og tærer eigenkapital. I tillegg har beitenæringa utfordringar som tilseier at det skulle vore fleire tilsette i NSG som jobbar for oss. For Sogn og Fjordane sin del står fylkeslaget i fare for å mista ei utsending til årsmøtet i NSG i nær framtid. Elles er det nokre lokallag i fylket som har trong økonomi, eller som står i fare for å mista utsendingar til fylkesårsmøtet.

Fylkesstyret vil oppmoda både lokallaga og medlemmer om å verva nye medlemmer til NSG. Dette kan vera både hovudmedlemmer, husstandsmedlemmer og støttemedlemmer. Ved netto medlemsauke i perioden 01.03.2021 til 31.10.2021 vil fylkeslaget betala ut kr 200 for kvart medlem som medlemstalet aukar med. Nye medlemmer som har vore medlem i eitt av dei to føregåande åra, vert trekte i frå auken. Nye medlemmer må ha betalt inn årets kontingent innan 31.10.2021.

Medlemsfordeler NSG: https://www.nsg.no/medlemskap/medlemsfordeler/

Medlemsfordeler i Sogn og Fjordane Sau og Geit:

Apotekavtale med reduserte prisar på enkelte apotek i fylket

Tilgang til facebookgruppa til Sogn og Fjordane Sau og Geit

Medlemmer som vervar medlemmer får vervepremie frå NSG.

Sogn og Fjordane Sau og Geit har eigen vervepremie til den i fylket som vervar flest medlemmer.