Kåringssjå
Laurdag 4.oktober frå kl. 10.00-16.00 vert det kåring av vêrlam på Norsk Fjordhestgard på Breim.
Breim og Gloppen Sau og Geit arrangerer fylket si største kåring av vêrlam. Storhendinga går føre seg på Fjordhestgarden på Breim. Her vert samla sauer frå heile Gloppen. For 2 år sidan stilte 132 lam og vi håpar på tilsvarande i år.
Vi siktar mot ein triveleg familiedag inne i ridehallen på Norsk Fjordhestgard. Det vert aktivitetar for både store og små. Natursti for ungane og tippekonkurranse på vekta av vaksne verar. Mulighet for ungane til å ri på hest. Det vert kaffiservering og noko å bite i nede i hallen. Det er høve til å kjøpe betasupa eller pølse på låven frå kl.12-14.
Meld på lam og møt opp med heile familien! Også om du ikkje stiller lam i år, bør du ta med familie og venner og bruke dagen på Fjordhestgarden.
Det er nokre endringar av reglane i år:
-
Seinast dagen før kåring må alle opplysningane vere korrekt registrerte i sauekontrollen, også haustvekt og haustvektdato.
-
For NKS-lam er O-indekskravet heva frå 110 til 115.
Lars Myklebust vert stemneansvarleg på kåringa.
Hugs påmelding til Ove Sørestrand, 6947 Lavik tlf:577 06 170 ove.sorestrand@tine.no seinast 2 dagar før sjået.
Breim og Gloppen Sau og Geit.